स्याङ्जा, ३० असार। स्याङ्जाको कालीगण्डकीमा पहिरोले एकजनाको मृत्यु भएको छ । घटनामा तीनजना बेपत्ता भएका छन् ।
कालीगण्डकी गाउँपालिका वडा नम्बर ४ को खहरेमा झरेको पहिरोमा पुरिएर एकजनाको मृत्यु भएको हो । तीनजना अझै बेपत्ता भएको वडाध्यक्ष चक्रपाणि पाण्डेले जानकारी दिए ।
उनका अनुसार पहिरोमा पुरिएर पूर्वगाविस अध्यक्ष इमानसिँह रानाको मृत्यु भएको हो । पहिरोमा परेर तीनजना बेपत्ता छन् । बेपत्ता हुनेमा सोही वडाका प्रेमचन्द्र पाण्डे, टीका थापा र गिमानसिँह थापा छन् ।
अहिले पहिरोमा पुरिएका व्यक्तिहरुको खोजी भइरहेको छ । स्थानीयले खोजी जारी राखेका छन् । अहिले नेपाली सेनाको टोली पनि घटनास्थल पुगेको छ ।
