काठमाडौ, २ साउन । बलिउड अभिनेत्री आलिया भट्ट आजभोली मिडियामा छाइरहेकी छिन् । सुशान्त सिंह राजपुतको मृत्युपछि कलाकार किड्सलाई लिएर ‘नातावाद’ शब्दले बलिउडमा चर्चा पायो ।
स्टार किड्समा आलिया भट्ट, सोनम कपुर, सोनाक्षी सिन्हा लगायतमा लगाएको आरोपको चर्चा परिचर्चा सामाजिक सञ्जालमा धेरै भए । नातावादको विषयमा सोनाक्षी र सोनमले तत्काल मुख खोले पनि आलिया भने अहिले सम्म मौन छिन्् । उनले कुनै प्रतिक्रिया दिएकी छैनन् ।
चलचित्र कलाकार र चलचित्र क्षेत्रका मानिसहरुको ‘नातावाद’ आरोप लगाइरहँदा फिल्म निर्माता आर बाल्कीले ‘नातावाद’को बारेमा आफ्नो धारणा सार्वजनिक गरेका छन् जसमा रणबिर कपुर र आलिया भट्टको सर्मथन गर्दै उनीहरु राम्रो अभिनेता अभिनेत्री भएको बताएका छन् । उनीहरु नाताबाट नभई आफ्नो मेहेनत र परिश्रमले यहाँसम्म आएको स्पष्ट पारेका छन् ।
