काठमाडौं, १२ साउन । कोरोना भाइरसका कारण समस्यामा परेको विश्व अर्थतन्त्र लयमा फर्कदै गएको छ । विश्वभरको जनजीवन सामान्यतर्फ उन्मुख भइरहँदा उद्दोग व्यवसाय पनि सहज हुन थालेको छ । योसँगै विश्वबजारमा तेलको मूल्य उकालो लाग्न थालेको छ ।
विश्व बजारमा कच्चा तेलको मुल्य प्रति ब्यारल ४० डलरभन्दा माथि पुगेको छ । यसअघि घटेर प्रति ब्यारेल २० नजिक पुगेको तेलको मुल्य निरन्तर बढिरहेको छ ।
विश्व बजारमा तेलको मुल्य निरन्तर उकालो लागिरहँदा नेपालमा पनि मुल्य समायोजनको तयारी भएको छ । प्रत्येक १५ दिनमा मुल्य समायोजन गर्ने गरिएको छ । यसपटक निगमले १ अगष्टमा मुल्य समायोजन गर्ने निश्चित छ । तर, निगमले पेट्रोल र डिजेलमा निरन्तर घाटा व्यहोरिरहेकाले त्यस अगावै मुल्य समायोजन हुने सम्भावना पनि छ ।
भारतमा डिजेल र पेट्रोलको मुल्य नेपालमा भन्दा बढी छ । त्यसैले तेलको अवैध ओसारपसार गर्नेहरु सक्रिय हुनसक्ने सम्भावना उत्तिकै छ । कोभिड १९ का कारणले सिमामा कडाई भएकाले अवैध ओसारपसार गर्नेहरु सकिरहेका छैनन् ।
