काठमाडौं, १३ साउन । अवैध लागूऔषधसहित ६ जनालाई सोमबार दिउँसो प्रहरीले पक्राउ गरेको छ । दाङ घोराही नयाँबसपार्कस्थित न्यू रोल्पाली नुवागाउँले खानी होटलबाट करिब १५ केजी अवैध लागू औषध चरेश सहित बाँके नेपालगंजका सन्तोष गुरुङ समेत ६ जना पक्राउ परेका हुन् ।
उक्त होटलमा लागूऔषधको कारोबार भइरहेको सूचनाको आधारमा ५ नम्बर प्रदेश प्रहरी कार्यालय र जिल्ला प्रहरी कार्यालयबाट खटिएको प्रहरीले तलासी गर्दा उक्त परिमाणको लागूऔषध फेला पारी उनीहरूलाई पक्राउ गरेको जनाएको छ ।
यस्तै पर्सा वीरगंजको ब्रम्हस्थानबाट करिब ६ सय ग्राम अवैध लागूऔषध चरेश सहित नारायण केसी र ठोरी गाउँपालिकाका नेमा लामालाई सोमबार प्रहरीले पक्राउ गरेको छ । जिल्ला प्रहरी कार्यालयबाट खटिएको प्रहरीले जाँच गर्दा उक्त परिमाणको चरेशसहित फेला पारी उनीहरूलाई पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको जनाएको छ ।
