काठमाडौं, १४ साउन । अवैध लागूऔषध गाँजा सहित राम बहादुर थापा समेत ४ जना पक्राउ परेका छन् । काठमाडौं गौशाला रिद्धीसिद्धी होटलबाट करिब ३ केजी अवैध लागूऔषध गाँजा सहित काठमाडौं पशुपति बस्ने भोजपुर घर भएका २५ वर्षीय राम बहादुर थापा समेत ४ जनालाई मंगलबार दिउँसो विशेष सुचनाको आधारमा प्रहरीले पक्राउ गरेको छ ।
त्यस्तै बारा जितपुर सिमरा स्थित सडकबाट १ किलो ५०० ग्राम अवैध लागूऔषध गाँजासहित बारागढीका दुख प्रसाद चौधरीलाई बुधबार प्रहरीले पक्राउ गरेको छ । उक्त स्थानमा खटिएको प्रहरीले अमलेखगन्जबाट पथलैयातर्फ आउँदै गरेको ना.५२ प ७४०३ नम्बरको मोटरसाइकल जाँच गर्ने क्रममा मोटरसाइकलमा सवार उनलाई उक्त लागूऔषधसहित फेला पारी पक्राउ गरेको जनाएको छ । यस सम्बन्धमा स्थानीय प्रहरीले थप अनुसन्धान गरिरहेको बताएको छ ।
