काठमाडौ, साउन २३। शुक्रबार देशभरको मौसममा आंशिक देखि सामान्य बदली आएकोछ। मनसुनी न्युन चापीय रेखाकै कारण अहिले प्रदेश १, प्रदेश २, गण्डकी प्रदेश, प्रदेश ५ र सुदुरपश्चिम प्रदेशमा केहि स्थानहरूमा हल्का बर्षा भईरहेको छ।
आगामी तीनसम्म देशभर आंशिकदेखि सामान्य बदली रही केही स्थानहरूमा मेघगर्जन र चट्याङ्सहित हल्कादेखि मध्यम खालको वर्षाको सम्भावना रहेको जनाउँदै जल तथा मौसम विज्ञान विभागले थोरै स्थानमा मेघगर्जन/चट्याङ्ग सहितका वर्षाको सम्भावना रहेको जनाएको छ ।
आज रातीसम्म देशभर सामान्य बदली कायमै रहदै प्रदेश १, बागमती र गण्डकी प्रदेश का एक वा दुई स्थानमा भारी वर्षाको सम्भावना रहेको विभागको भनाई छ । साथै रातीसम्म केही स्थानहरुमा मेघगर्जन/चट्याङ्ग सहित हल्का देखि मध्यम वर्षाको सम्भावना रहेको छ ।
बर्षाको उच्च जोखिममा रहेका क्षेत्रमा पर्ने नदीहरूमा पानीको बहाव बढ्ने, पहाडी क्षेत्रमा भू–क्षय हुने, पहिरो जाने, सडक तथा हवाई यातायात प्रभावित हुने तथा ढल र पानीको राम्रो निकास नभएको ठाउँमा डुबानसमेत हुन सक्ने भएकोले मौसम विभागले आवश्यक सतर्कता अपनाउन सबैमा आग्रह गरेको छ ।
