काठमाडौं, साउन ३१ । हाल देशका अधिकांश भू–भागको मौसममा समान्य देखि पूर्ण बदली रहेको छ ।
विगत एक हप्तादेखि पुनः सक्रिए मनसुनसंगै अहिले देशभरको मौसममा समान्यतया बदली रही बागमती, गण्डकी, प्रदेश ५, कर्णाली र सुदुर पश्चिम प्रदेशका केही स्थानहरुमा बर्षा भईरहेको देखिन्छ।
जल तथा मौसम पूर्वानुमान महाशाखाका अनुसार आज दिउँसोसम्म देशभरको मौसममा थप बदली रही धेरै स्थानहरुमा मेघगर्जन र चट्याङ्ग सहित वर्षाको सम्भावना रहेको छ ।
साथै रातीसम्म प्रदेश १, बागमती प्रदेश, गण्डकी प्रदेश, प्रदेश नं ५ र सुदुर पश्चिम प्रदेशका एक वा दुई स्थानहरुमा भारी वर्षाको समेत सम्भावना बढदै गएको महाशाखाले जनाएको छ ।
