कैलाली, ९ भाद्र । तास खेलिरहेको अवस्थामा ४ जना पक्राउ परेका छन् । धनगढीको बडराबाट तास खेलिरहेको अवस्थामा धनगढीका सम्राट सिंह लगायत ४ जनालाई सोमबार बेलुका प्रहरीले पक्राउ गरेको हो ।
सोही ठाउँस्थित रतन केसीको घरमा जुवातास खेलिरहेको जानकारी अनुसार वडा प्रहरी कार्यालय धनगढीबाट खटिएको प्रहरीले उनीहरुलाई नगद २ लाख ४५ हजार ५ सय रुपैयाँ र ८ गड्डी तास सहित पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
