बारा, १४ भाद्र । चोरीको मोटरसाइकल सहित २ जना पक्राउ परेका छन् । कलैयाका बिगन महतोको घरबाट चोरी भएको बा.७६ प १६९४ नम्बरको मोटरसाइकल सहित सिम्रौनगढ नगरपालिका स्थित अडुवा खोलाको पुलबाट २ जनालाई प्रहरीले पक्राउ गरेको हो । पक्राउ पर्नेहरुमा कलैयाका सरफराज मियाँ र जफिर आलम रहेका छन् ।
बारा देवताल गाउँपालिकाका राजु कुमार कुशवाहाको उक्त मोटरसाइकल र मोबाइल समेत चोरी भएको भन्ने खबर प्राप्त हुनासाथ ईलाका प्रहरी कार्यालय सिम्रौनगढ बाराबाट खटिएको प्रहरीले उनीहरुले चोरी गरेको मालसामान तथा ४ थान मोबाइल लिई सोही मोटरसाइकलमा भागिरहेको अवस्थामा फेला पारी पक्राउ गरेको जनाएको छ ।
उनीहरु माथि चोरी मुद्दामा थप अनुसन्धान भइरहेको जिल्ला प्रहरी कार्यालय बाराले जनाएको छ ।
