काठमाडौं, १५ भदौ । चर्चित नायक पल शाह र नायिका एलिजा गौतम अभिनित म्युजिक भिडिओ आटो पिठो आज सार्वजनिक भएको छ । भिडिओ सार्वजनिक भएको पाँच घण्टामै एक लाखभन्दा बढिले हेरेका छन् । गायक निशान भट्टराई र सोनिका लामाको स्वर रहेको गीतमा पल र एलिजाले अभिनय गरेका हुन् । गीत रिलिज भएलगत्तै प्राइम टाईम्स टेलिभिजनको चर्चित कार्यक्रम जनता जान्न चाहन्छन् कार्यक्रममा पत्रकार ऋषि धमलाले पल र एलिजासँगै निर्देशक टेकेन्द्र शाहसँग विशेष कुराकानी गरेका छन् ।
उक्त कार्यक्रममा कुरा गर्दै नायक पलले आफू र आँचल शर्मा मिल्ने साथी भएको खुलाएका छन् । उनले आँचलको विवाहमा आफूलाई निमन्त्रणा आएको भएपनि सुटिङको क्रममा काठमाडौं उपत्यका बाहिर भएकोले आउन नसकेको जनाए । तर, आँचलको विवाहपछि भने आफूहरुबीच कुराकानी नभएको उनले स्पष्ट पारे । काममा व्यस्त भएकोले कुराकानी हुन नसकेको उनको भनाई छ ।
