काठमाडौं, १७ भाद्र । काठमाडौं उपत्यकामा आज एकै दिन ३ सय ८८ जना कोरोना संक्रमित थपिएका छन् । देशभर ११ सय २० जनामा कोरोना पुष्टि भएकोमा काठमाडौमा मात्रै ३ सय ८८ जना थपिएसँगै जोखिम बढेको छ ।
स्वास्थ्य मन्त्रालयको नियमित पत्रकार सम्मेलनमा प्रवक्ता डा.जागेश्वर गौतमले आज २४ घन्टामा १ हजार १ सय १२ जना कोरोना संक्रमण मुक्त भई घर फर्केका जानकारी दिएका हुन् । आजसम्म निको भई घर फर्कनेको सख्या २३ हजार २ सय ९० रहेको छ । काठमाडौं उपत्यकामा थपिएका मध्ये काठमाडौंका ३५० जना र ललितपुरका २९ जना र भक्तपुरका ९ जना रहेका छन् । देशभर कुल संक्रमितको सख्या ४१ हजार ६ सय ४९ पुगेको छ ।
