वीरगंज, २० भदौ । जिल्ला प्रहरी कार्यालय, पर्साले छुट्टाछुट्टै तीन स्थानबाट १५ किलो गाँजा र चार ग्रFम खैरो हेरोइनसहित तीनजनालाई पक्राउ गरेको छ । पर्साको छिपहरमाई गाउँपालिका–२ बाट ५ किलो गाँजासहित सोही ठाउँ बस्ने वर्ष ३५ को गोखुल महत्तो केवट, वर्ष २० को सुजीत महत्तो केवटलाई पक्राउ गरेको जिप्रका पर्साले जनाएको छ ।
भारतीय नं.को मोटरसाइकलमा आइरहेका उनीहरुको साथबाट ५ किलो गाँजा बरामद भएको प्रहरीले जनाएको छ ।
यसैगरी वीरगंज महानगर– २८ बस्ने वर्ष २० का रूपेश सहनीको घर खानतलासी गर्ने क्रममा निजको घरबाट १० किलो गाँजा बरामद भएको प्रहरीले जनाएको छ ।
प्रहरीले गाँजासहित सहनीलाई पनि पक्राउ गरेको छ । यसैगरी वीरगंज महानगर–१६ रजतजयन्ती चोकबाट ४ ग्राम लागू औषध खैरो हिरोइन दुईजनालाई पर्सा प्रहरीले पक्राउ गरेको छ । वीरगंज मनपा– २४ बस्ने वर्ष २० को शिव साह कानू र वडा नं.१६ बस्ने वर्ष २० को कृष्ण भन्ने छोटु पाण्डेलाई खैरो हेरोइनसहित पक्राउ गरेको जिप्रका, पर्साले जनाएको छ ।
