काठमाडौँ २५ भदौ। टिएमएसमा समस्या आएर शेयर कारोबार रोक्का गरिसकेपछि पनि नेप्से सूचक र कारोबार रकम भने लगातार बढी रहेको छ। कारोबार र सूचक लगातार बढ्दै गएपछि लगानीकर्ता अन्योलमा परेका छन्।
लगानीकर्ता अन्योलमा मात्रै परेका छैनन्, उनीहरूले कारोबारमै चलखेल भएको अनुमान समेत लगाएका छन्। नेप्सेले टिएमएसमा समस्या आएपछि शेयर कारोबार बन्द भएको जनाएको छ। तर सो पश्चात् पनि किन सूचक र कारोबार रकममा भने परिवर्तन भइरहेको छ भन्ने उनीहरूको तर्क छ।
तर नेप्सेले भने पहिला नै भएको कारोबार अपडेट भएकोले सूचक र कारोबार रकम परिवर्तन भएको जनाएको छ। सोही कारण लगानीकर्ता झुक्किएको हुन सक्ने उसको अनुमान छ।-मेरोलागानी/File Photo
