एजेन्सी, ४ कात्तिक । बलिउड चर्चित गायिका नेहा कक्कड लगातार रुपमा केही दिन यता विवाहको खबरले चर्चामा छिन् । नेहाले गायक रोहनप्रीत सिंहसँग आफ्नो प्रेम सम्बन्ध भएको खुलासा गरेकी थिइन् । उनले खुलासा गरेपछि विवाह सम्बन्धि खबर बाहिर आएको हो ।
सामाजिक सञ्जालमा सार्वजनिक भएको भिडियोमा एक अर्कालाई माया गरिरहेका छन् । गायिका नेहाले सेयर गरेको भिडियो आज सामाजिक सञ्जाल तातिएको छ । सेल्फी क्विन नेहाले इस्टाग्राममा सेयर गरेको भिडियोमा उनी रोहनको साथमा देखिएकी छिन् । दुवैजना सोफामा बसेका छन् ।
नेहाको काखमा एक व्याग छ जसमा धेरै उपहार राखिएको छ । नेहाको हात रोहनप्रीतले थाम्दा नेहा किनै खुशी देखिन्छिन् । भिडियोमा परिवारका सदस्य पनि आउने जाने गरेको देखिन्छ । भिडियो सेयर गर्दै नेहाले लेखेकी छिन्, ‘जुन दिन उनले आफ्नो माता पिता र परिवारसँग भेटाएका थिए । लव यु रोहनप्रीत, नेहाप्रीत । ’
उनीहरुको विवाहको कार्ड सामाजिक सञ्जालमा केही दिन अगाडि भाइरल भएको थियो । कार्डमा नेहाको विवाहको पुरै डिटेल लेखिएको थियो । २६ अक्टोबर २०२० मा यो जोडी विवाह बन्धनमा बाँधिनेछन् । विवाह पछि रिसेप्सन पन्जाबमा हुने भएको छ ।
