शरीरमा दुई कीलो अफिम लुकाउने युवक पक्राउ

वीरगंज, १४ कात्तिक । जिल्ला प्रहरी कार्यालय बाराले लागूऔषध गाँजा र अफिमसहित एकजनालाई पक्राउ गरेको छ । शुक्रवार प्रहरी चौकी बेल्दारीले बारा, पचरौता नगरपालिका–४ बेल्दारी टोलबाट साइकलमा सवार पचरौता नपा– ३ रामनगर बस्ने २० वर्षीय बिनोद यादवलाई लागूऔषधसहित पक्राउ गरेको हो ।

उनले शरीरमा लुकाएको अफिम २ किलो र प्लाष्टिकको झोलामा बोकेको गाँजा २ बरामद भएको जिप्रका, बाराले जनाएको छ ।