काठमाडौं, १८ कार्तिक । गोकर्णेश्वर नगरपालिकाले आफ्नै एफएम रेडियो सञ्चालन गर्ने भएको छ । नगरपालिकाको पाँचौँ नगरसभाबाट पारित नीति तथा कार्यक्रमको सूचना तथा सञ्चार नीतिमा स्थानीय सरकारका कामलाई सर्वसाधारणसमक्ष सहज रूपमा पु¥याउनका लागि रेडियो स्टेशन स्थापना गर्ने भनिएको छ ।
त्यस्तै, सूचनामैत्री नगरपालिका निर्माणका लागि धार्मिक, सांस्कृतिक तथा अन्य गतिविधिको पनि प्रचारप्रसार गर्ने नीति लिइएकाले नगरका सबै वडामा निःशुल्क वाइफाइ सेवा विस्तार गरेको नगरपालिकाकी उपप्रमुख शान्ति नेपालले बताईन् ।
स्थानीय पत्रपत्रिका तथा सञ्चारमाध्यमको क्षमता वृद्धिका लागि विकास पत्रकारिता तालीम सञ्चालन गर्ने योजना बनाएको नगरपालिकाले एकीकृत नगर सूचना केन्द्र निर्माण गर्ने योजना पनि अघि सारेको उपप्रमुख नेपालले बताईन् ।
