बारा, २५ कात्तिक । बारामा आगलागी हुँदा ७ वटा फुसको घर जलेर नष्ट भएको छ । कलैया उपमहानगरपालिका– २४ सखुई बस्ने शोभालाल चौधरीको घरमा अचानक आगलागी हुँदा ७ वटा घर जलेर नष्ट भएका हुन् ।
आगलागीमा शोभा लाल चौधरी, टुकल महतो, राम अवतार चौधरी, शिशुपाल चौधरी, राम किशोर चौधरी, करी खाँ थारू, राम लाल चौधरी घर जलेर नष्ट भएको प्रहरी चौकी पचरौताले जनाएको छ । सोमवार साढे ४ बजे आगलागी शुरू भएको थियो । आगो लाग्नुको कारण खुलेको छैन । वारुणयन्त्र र स्थानीयको मदतबाट आगलाग नियन्त्रणमा लिइएको थियो ।
