काठमाडौं, २८ कात्तिक । काठमाडौं उपत्यकामा आज एकै दिन १२ सय ७ जना कोरोना संक्रमित थपिएका छन् । देशभर २१ सय ११ जनामा कोरोना पुष्टि भएकोमा काठमाडौमा मात्रै १२ सय ७ जना थपिएसँगै जोखिम बढेको छ ।
त्यसैगरी आज २४ घन्टामा ३५३७ जना कोरोना संक्रमण मुक्त भई घर फर्केका छन् । आजसम्म निको भई घर फर्कनेको सख्या १ लाख ६८ हजार १ सय २९ रहेको छ । देशभर कुल संक्रमितको सख्या २ लाख ६ हजार ३ सय ५३ पुगेको छ । आज काठमाडौं उपत्यकामा थपिएका १२ सय ७ जना मध्ये ५२६ महिला र ६८१ पुरुष रहेका छन् ।
मन्त्रालयका अनुसार आज काठमाडौंमा ९१९, भक्तपुरमा १०८ र ललितपुरमा १८० जनामा कोरोना पुष्टि भएको हो।
