काठमाडौं, ३ मंसिर । प्रमुख प्रतिपक्षी दल नेपाली कांग्रेसका प्रभावशाली नेता, सांसद तथा पूर्वमन्त्री गगन कुमार थापाले सत्तारुढ नेपाल कम्युनिष्ट पार्टी (नेकपा) का अध्यक्ष पुष्पकमल दाहालले अर्का अध्यक्ष तथा प्रधानमन्त्री केपी शर्मा ओलीमाथि लगाएका आरोप नौला नभएको र गलत पनि नभएको टिप्पणी गरेका छन् । नेता थापाले आज नेकपाको घरझगडा, राष्टिय राजनीति र सरकार सञचालन शीर्षकमा आज आफ्नो धारणा सामाजिक सञ्जालमार्फत सार्वजनिक गर्दै यस्तो बताएका हुन् । थापाले लेखेका छन्,”पुष्पकमल दाहालले खड्गप्रसाद ओलीमाथि लगाएका आरोपहरुमा नौला विषय छैनन् र गलत पनि होईन, संसद, सडक र सबैतिरबाट प्रधानमन्त्री ओलीविरुद्ध उठ्दै र लाग्दै गरेका आरोप हुन् । तर पनि यो प्रकरण विशेष छ ।”
