काठमाडौं, ८ मंसिर । कोरोना संक्रमणबाट आज थप १६ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको सख्या १३३७ पुगेको स्वास्थ्य मन्त्रालयले जनाएको छ ।
२४ घन्टामा नयाँ संक्रमित १९ सय ८० थपिएका छन् । आज ३ हजार ४३ जना कोरोना संक्रमणबाट निको भई घर फर्केका छन् । हालसम्म २ लाख २२ हजार २ सय ८८ संक्रमित भएपनि २ लाख २ हजार ६७ सय जना संक्रमण निको भई डिस्चार्ज भईसकेका छन् भने १८ हजार ८ सय ८४ जना संक्रमितको उपचार भइरहेको स्वास्थ्य तथा जनसख्या मन्त्रालयले जनाएको छ ।
आजसम्म १६ लाख ७० हजार ४ सय ५६ जनाको पिसीआर परिक्षण भएको छ भने १८ हजार ८ सय ८४ जना आइसोलेशनमा बसेका छन् । त्यस्तै क्वारेन्टिनमा बस्नेको सख्या ६ सय २९ रहेको छ ।
