काठमाडौं, ८ मंसिर । काठमाडौं उपत्यकामा आज एकै दिन १ हजार ७ जना कोरोना संक्रमित थपिएका छन् । देशभर १९ सय ८० जनामा कोरोना पुष्टि भएकोमा काठमाडौमा मात्रै १ हजार ७ जना थपिएसँगै जोखिम बढेको छ ।
त्यसैगरी आज २४ घन्टामा ३ हजार ४३ जना कोरोना संक्रमण मुक्त भई घर फर्केका छन् । आजसम्म निको भई घर फर्कनेको सख्या २ लाख २ हजार ६७ रहेको छ । आज काठमाडौं उपत्यकामा थपिएका ११ सय ७ जना मध्ये ४५४ महिला र ५५३ पुरुष रहेका छन् । मन्त्रालयको अनुसार आज काठमाडौका ७७९ जना, भक्तपुरका ८५ जना र ललितपुरका १४३ जनामा संक्रमण पुष्टि भएको हो ।
