काठमाडौं, ९ मंसिर । काठमाडौं उपत्यकामा आज एकै दिन ९ सय ४७ जना कोरोना संक्रमित थपिएका छन् । देशभर १७ सय ९० जनामा कोरोना पुष्टि भएकोमा काठमाडौमा मात्रै ९ सय ४७ जना थपिएसँगै जोखिम बढेको छ । स्वास्थ्य मन्त्रालयले जारी गरेको सुचनामा १० हजार ८ सय ४३ जनाको पिसीआर परिक्षणमा १७ सय ९० जनाको रिर्पोट पोजेटिभ आएको हो ।
त्यसैगरी, आज २४ घन्टामा २७९१ जना कोरोना संक्रमण मुक्त भई घर फर्केका छन् । आजसम्म निको भई घर फर्कनेको सख्या २ लाख ४ हजार ४ सय ५८ रहेको छ । आज काठमाडौं उपत्यकामा थपिएका ९ सय ४७ जना मध्ये ४१० महिला र ५३७ पुरुष रहेका छन् ।
