काठमाडौं, १४ मंसिर । नेपाल कम्युनिस्ट पार्टीका अध्यक्ष समेत रहेका प्रधानमन्त्री केपी शर्मा ओलीले शनिबारको सचिवालय बैठकमा शर्तसहित आफू अध्यक्ष पद छाड्न तयार रहेको बताए । नयाँ पुस्तालाई पार्टीको नेतृत्व हस्तान्तरण गर्ने शर्तमा उनले अध्यक्ष पद छाड्न तयार रहेको बताएपनि प्रधानमन्त्री पद छाड्ने विषय कतै उल्लेख गरेनन् । ओलीको भनाईले उनी प्रधानमन्त्री पद जोगाउन अन्तिम विकल्पमा अध्यक्ष पद छाड्न तयार रहेको देखिएको छ ।
यतिबेला नेकपाभित्र पूर्व एमाले समूह आपसी एकता बनाउन सक्रिय भइरहेको छ । दोस्रो पुस्ताका नेताहरु प्रधानमन्त्री ओली, वरिष्ठ नेताद्वय माधवकुमार नेपाल र झलनाथ खनालका अलावा उपाध्यक्ष बामदेव गौतमसँग दैनिकजसो भेटघाट गरेर पूर्व एमालेबीच सहमतिको बिन्दु खोज्न सक्रिय भएका छन् । ओली र प्रचण्डबीच सहमतिको सम्भावना निकै कमजोर भएपछि पूर्व एमाले समूह आपसी एकता गरेर पार्टी एकता कायमै राख्ने सुत्र खोज्दैछन् ।
यस्तो छ ओलीको ३८ पृष्ठको प्रस्ताव (पूर्णपाठ)
सचिवालय सदस्यहरु इश्वर पोखरेल, महासचिव विष्णु पौडेल, स्थानीय समिति सदस्यहरु सुवास नेम्वाङ, शंकर पोखरेल, प्रदीप ज्ञवाली, योगेश भट्टराई, भानुभक्त ढकाललगायतका नेताहरुको दौडधुप चलि नै रहेको छ । उनीहरु सहमतिको बिन्दु खोज्न लागिपरेका छन् । जसरी भएपनि पूर्व एमालेबीचको एकता कायम गराउन लागिपरेकाहरुले ओलीलाई एक पद छाड्न लगाएर छाडेको पदमा पूर्व एमालेकै कुनै नेतालाई ल्याउनेबारे समेत छलफल गरेका छन् ।
विश्वस्त स्रोतका अनुसार नेकपाभित्रका प्रभावशाली दोस्रो पुस्ताका नेताहरु ओलीलाई प्रधानमन्त्रीमा पूरा कार्यकाल काम गर्न दिएर अध्यक्षमा माधवकुमार नेपाललाई ल्याउने विकल्पमा समेत छलफल चलेको छ । त्यस्तो अवस्थामा नेपालको पनि व्यवस्थापन भई सहमति बन्ने सम्भावना बढ्ने उनीहरुको बुझाई छ । नेकपाभित्र दुर्घटना टार्न पनि कुनै न कुनै राजनीतिक लेनदेन आवश्यक रहेको बुझाई ओली पक्षको रहेको बुझिएको छ । उनीहरु त्यसतर्फ पनि छलफलमा बढेका छन् ।
ओलीले प्रधानमन्त्री पद रक्षार्थ ‘नेकपा अध्यक्ष’ छाड्लान् ?
पार्टी फुटाएर जान वा राजनीतिबाट विश्राम लिन दाहाललाई ओलीको सुझाब
| ओलीद्वारा प्रचण्डमाथि अविश्वासको प्रस्तावका लागि छलछाम गरी सांसदहरुलाई खाली कागजमा हस्ताक्षर गराएको आरोप |
ओलीले अध्यक्ष पद छाड्ने अवस्था बनाउने प्रयास भएपनि उनले माधव नेपाल, झलनाथ खनाल वा बामदेव गौतमका लागि छाड्ने कुरा गरेका छैनन् । उनले दोस्रो पुस्ताका लागि पार्टीको नेतृत्व हस्तान्तरण गर्ने प्रसंग उठाएका छन् । यसलाई नेकपाभित्र ओलीको अर्को राजनीतिक अस्त्रका रुपमा पनि विश्लेषण हुन थालेको छ । तर, स्थिति धेरै बिग्रिइसकेकाले दुर्घटना जोगाउन अस्त्रभन्दा पनि त्याग र राजनीतिक लेनदेनको सूत्र तयार गर्न दोस्रो पुस्ताका नेताहरु लागिपरेका छन् । उनीहरुमध्ये पूर्व एमाले पक्षधर ओली र नेपालबीच सहमति गराएर राजनीतिक लेनदेन गराउन सक्रिय भइरहेका छन् ।
पार्टी विवादबारे बोले वामदेव गौतम-‘चाहेमा अब हामीले समस्या समाधान गर्न सक्छौँ’
