काठमाडौं, २६ मंसिर । भारतीय सत्तारुढ दल भारतीय जनता पार्टी (भाजपा) का विदेश विभाग प्रमुख विजय चौथाईवालाले सत्तारुढ दल नेपाल कम्युनिष्ट पार्टी (नेकपा) का संसदीय दलका उपनेता सुवासचन्द्र नेम्वाङसँग भेटवार्ता गरेका छन् । चौथाइवाला नेकपा महासचिव विष्णु पौडेलको निमन्त्रणामा नेपाल भ्रमणमा आएका हुन् ।
उनले हिजै महासचिव पौडेल र प्रधानमन्त्री केपी शर्मा ओलीसँग शिष्टाचार भेटवार्ता गरिसकेका छन् । उनले आज नेता नेम्वाङसँग भेट गरेका हुन् । उनीहरुबीच नेता नेम्वाङको निवासमा भेटवार्ता भएको जनाईएको छ । र, उक्त भेटमा नेकपा र भाजपाबीच भाइचारा सम्बन्ध बिस्तार गर्नेबारे छलफल भएको पनि जनाईएको छ ।
