रुकुम (पश्चिम), ३० मंसिर । अवैध लागूऔषध अफिम सहित एकजना पक्राउ परेका छन् । सानो भेरी गाउँपालिका–३ गरेलाबाट करिब २ केजी ७ सय ग्राम अवैध लागूऔषध अफिम सहित सोही गाउँपालिका–६ कोटका गोरख कुसारीलाई मंगलबार बिहान प्रहरीले पक्राउ गरेको हो ।
बिशेष सूचनाको आधारमा कर्णाली प्रदेश प्रहरी कार्यालय, जिल्ला प्रहरी कार्यालय र प्रहरी चौकी सिम्लीबाट खटिएको प्रहरीले जाँच गर्ने क्रममा उक्त परिमाणको लागूऔषधसहित फेला पारी उनलाई पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
