काठमाडौं, पुस ५ । जाजरकोटमा बन्न लागेको ४१७ मेगावाटको जलाशययुक्त नलगाड जलविद्युत् आयोजनाको विस्तृत आयोजना प्रतिवेदन (डीपीआर) दुईपटक म्याद थप भए पनि अभैm बन्न सकेको छैन । सम्बद्ध डीपीआरकर्ताको मागअनुसार अगस्त २०१९ मा पहिलोपटक ३ महीना र अगस्तदेखि मे २०२० सम्म गरी दोस्रोपटक ९ महीना गरेर दुईपटक म्याद थपिएको थियो ।
डीपीआर बनाउने जिम्मा पाएका कम्पनीहरूले तेस्रोपटक १५ महीनाको समय माग गरेका छन् । उनीहरूले १२ सेप्टेम्बर २०२१ सम्मको लागि म्याद थपको माग गरेका हुन् । सरकारले यस विषयमा निर्णय भने गरेको छैन । आवश्यक अध्ययन गरेर निर्णय गर्ने ऊर्जा, जलस्रोत तथा सिँचाइ मन्त्रालयको भनाइ छ ।
ऊर्जा, जलस्रोत तथा सिँचाइमन्त्री वर्षमान पुन र वन तथा वातावरणमन्त्री शक्तिबहादुर बस्नेतले उक्त कम्पनीका प्रतिनिधि बाबुराम भारद्वाज र रेशम ढकालसँग प्रतिवेदनबारे छलफल गरेका थिए । सो क्रममा डीपीआर निर्माणका लागि थप समयमा माग गरिएको हो । आयोजना प्रमुखसहित कर्मचारी र डीपीआरको जिम्मा पाएको परामर्शदाताका प्रतिनिधिसँग मन्त्रीद्वयले शुक्रवार ऊर्जा मन्त्रालयमा छलफल गरेका थिए ।
डीपीआरको काम करीब ८५ प्रतिशत सकिएको कम्पनीको भनाइ छ । बाँकी १५ प्रतिशत कामका लागि समय थप गर्नुपर्ने प्रस्ताव कम्पनीको रहेको छ । तर, मन्त्रालयले भने अध्ययन गरी आवश्यक समय दिने बताएको छ ।
अस्टे««लियन कम्पनी स्मेक, अमेरिकाको एमडब्ल्यूएच र नेपालको उदय जेभीले संयुक्त रूपमा डीपीआरको काम पाएका थिए । सन् २०१६ मा ३ वर्षमा डीपीआर सक्ने गरी नलगाड जलविद्युत् कम्पनी र स्मेक, एमडब्ल्यूएच तथा उदय जेभीबीच सम्झौता भएको थियो । यसअघि डीपीआरकर्ताको मागअनुसार अगस्त २०१९ मा पहिलोपटक ३ महीना र अगस्तदेखि मे २०२० सम्म ९ महीना दोस्रोपटक डीपीआरको समयावधि थप भएको आजको आर्थिक अभियान दैनिकमा खवर छ ।
