काठमाडौं, ५ पुस । कोरोना संक्रमणबाट आज थप ११ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको सख्या १७८८ पुगेको स्वास्थ्य मन्त्रालयले जनाएको छ ।
२४ घन्टामा नयाँ संक्रमित ५ सय ८८ थपिएका छन् । आज १ हजार ९७ जना कोरोना संक्रमणबाट निको भई घर फर्केका छन् । हालसम्म २ लाख ५३ हजार ७ सय ७२ संक्रमित भएपनि २ लाख ४३ हजार ६ सय ६४ जना संक्रमण निको भई डिस्चार्ज भईसकेका छन् भने ८ हजार ३ सय २० जना संक्रमितको उपचार भइरहेको स्वास्थ्य तथा जनसख्या मन्त्रालयले जनाएको छ ।
