नवलपरासी(पश्चिम), १४ पुस । भरुवा बन्दुक सहित एकजनालाई प्रहरीले पक्राउ गरेको छ । सरावल गाउँपालिका–२ मनरी खोलाबाट १ थान भरुवा बन्दुक सहित सोही गाउँपालिका–१ बासा बस्ने ४० वर्षीय राम समुझ भर सोमबार राति पक्राउ परेका हुन् ।
अबैधरुपमा भरुवा बन्दुक बोकी हिँडिरहेको अवस्थामा प्रहरी चौकी बासाबाट खटिएको उनलाई पक्राउ गरेको जनाएको छ । यस सम्बन्धमा स्थानीय प्रहरीले थप अनुसन्धान गरिरहेको बताएको छ ।
