एजेन्सी, १४ पुस । बलिउड अभिनेता वरुण धवन र सारा अली खानको फिल्म ‘कुली न. १’ भर्खरै मात्र रिलिज भएको छ । तर फिल्मको बारेमा दर्शकहरुले राम्रो प्रतिक्रिया दिएका छैनन् । दर्शकहरुले फिल्मका केही सीन्सलाई लिएर सिकार बनाइरहेका छन् र कलाकारहरुलाई पनि ओवर एक्टिङ गरेको आरोपसमेत लगाएका छन् ।
करिश्मा र गोविन्दाको हिट फिल्मको रीमेक भएको यो फिल्मले कुली नम्बर १ फिल्म खरो रुपमा उत्रन र दर्शकहरुको मन जित्न सकेको छैन् । यो फिल्मको रेटिगं पनि बाहिर आएको छ । दर्शकहरुले फिल्मलाई थोरै मात्र अंक दिएका छन् । उक्त फिल्मलाई दर्शकहरुले रिस देखाइरहेका छन् । नत यो फिल्मको गीत नै मन पराएका छन् ।
दर्शकरुले दिएको रेटिगंको कारण पनि यस फिल्म निर्मातालाई भने झट्का लाग्ने भएको छ । आइएमडिबीले एक सुची निकालेको छ जसमा ‘कुली नं’ लाई १.४ रेटिगं दिएको छ । केही वर्ष अगाडी सलमान खानको ‘रेस’लाई १.९ रेटिगं दिएको थियो । कुली नं १ को रीमेकले दर्शकहरुलाई निकै निराशा बनाएको छ । यो फिल्मलाई डेविड धवनले निर्देशन गरेका थिए । फिल्ममा गीत ९० का गायकहरुले गाएका छन् । यसको साथै चर्चित कलाकारहरुको अभिनय भएपनि फिल्मले दर्शकको मन भने जित्न सकेन ।
