इंग्लिस प्रिमियर लिगमा आर्सनल र टोटेनहमले सानदार जित हात पारेका छन् । शनिबार राति भएको खेलमा आर्सनलले वेस्ट ब्रोमलाई ४–० गोल अन्तरले पराजित गरेको थियो । आर्सनलको जितमा टिइरनीले २३ मिनेटमा पहिलो गोल गरेका थिए भने साकाले २८ मिनेटमा टिमको अग्रता दोब्बर पारेका थिए । दोस्रो हाफमा लाकाजेटले ६० र ६४ मिनेटमा दुई गोल गरेका थिए ।
त्यसैगरी टोटेनहमले लिड्सलाई ३–० गोलले पराजित गरेको छ । टोटेनहमका लागि ह्यारी केनले २९ मिनेटमा पेनाल्टीबाट पहिलो गोल गरेका थिए भने ४३ मिनेटमा सन मिनले गोल गरि टोटेनहमलाई अग्रता दिलाएका थिए । ५० मिनेटमा एल्डरवाइरेल्डले टोटेनहमका लागि तेस्रो गोल गरेका थिए । लिगको अंक तालिकामा लिभरपुल १६ खेलबाट ३३ अंक जोड्दै शीर्ष स्थानमा छ । समान खेलबाट समान अंक जोडेको म्यानचेस्टर युनाइटेड दोस्रो स्थानमा छ ।-Photo: Agency
