काठमाडौं, २२ पुस । सामाजिक अभियन्ता मनोज कार्कीको निर्माणमा ‘मुनामदन–२’ म्युजिक भिडियो सार्वजनिक भएको छ । गीतमा गायक जनक विवश न्यौपाने र पछिल्लो समयकी गायिका रचना रिमालको स्वर रहेको छ ।
त्यस्तै गीतको शब्द तथा संगित पनि न्यौपानेकै रहेको छ । राजु कार्कीले एरेन्ज गरेको उक्त गीतको भिडियोमा चर्चित अभिनेता आकाश श्रेष्ठ र नव नायिका याङ्सु श्रेष्ठको दमदार अभिनय रहेको छ ।
नेपाली संगितमा आफ्नो छुट्टै पहिचान बनाएका सफल निर्देशक जनक सिंहको निर्देशन रहेको भिडियोलाई टेकेन्द्र शाहले सम्पादन गरेका छन् । उत्सव दाहालले छायांकन गरेको म्युजिक भिडियोमा अभि वाग्लेको कोरियोग्राफी रहेको छ । यो भिडियो जनक बिबश न्यौपानेको युट्युब च्यानलमा गएर हेर्न सकिन्छ ।
