काठमाडौं, १९ माघ । आगामी तीन दिनमा प्रदेश १ र गण्डकी प्रदेशका पहाडी भूभागमा आंशिक बदली रहनेछ । मौसम पूर्वानुमान महाशाखाका अनुसार हाल नेपालमा पश्चिमी न्यून चापिय रेखाको आंशिक प्रभाव रहनेछ ।तराईका अधिकांश स्थानहरुमा हुस्सु र कुहिरो लागेको छ ।
त्यसबाहेक अन्य भूभागमा मौसम सामान्यतया सफा रहने महाशाखाले जनाएको छ ।यसैगरी, आज दिउँसो देशको पहाडी भूभागमा आंशिक बदली रही बाँकी भूभागहरुमा मौसम सामान्यतया सफा रहनेछ । त्यस्तै उच्च पहाडी तथा हिमाली जिल्लाहरुमा हिमपातको सम्भावना रहनेछ ।-दृष्टिबाट/File Photo
