बारा, १९ माघ । अवैध लागुऔषधसहित एकजनालाई प्रहरीले पक्राउ गरेको छ । महागढीमाई नगरपालिका–२ स्थित सडकबाट नियन्त्रित लागूऔषध ३ सय एम्पुल डाइजेपाम, ३ सय एम्पुल फेनारगन र ३ सय एम्पुल नुर्फिन सहित धर्मपुर टोलका भोला कुमार यादव शनिबार दिउँसो पक्राउ परेका हुन् ।
बिआर ०५ भी ७८०४ नम्बरको मोटरसाइकललाई प्रहरी चौकी बरियारपुरबाट खटिएको प्रहरीले जाँच गर्नेक्रममा मोटरसाइकल चालक भोलालाई उक्त लागूऔषध सहित फेला पारी पक्राउ गरेको हो । भोला उपर लागू औषध मुद्दामा जिल्ला अदालत बाराबाट ७ दिनको म्यादको अनुमति लिई थप अनुसन्धान भईरहेको जिल्ला प्रहरी कार्यालय बाराले जनाएको छ ।
