काठमाडौँ, २७ माघ। नेपाल, ओमान र अमेरिकाबीच हुने भनिएको आइसीसी विश्वकप लिग–२ को त्रिकोणात्मक क्रिकेट सिरिज स्थगित भएको छ। आगामी चैत ६ देखि १५ गतेसम्म ओमानमा हुने सिरिज स्थगित भएको हो।
सिरिजका लागि पहिलो चरणमा २१ खेलाडी बन्द प्रशिक्षणमा छन्। सिरिजका लागि ७ दिन अनिवार्य क्वारेन्टाइनमा बस्नुपर्ने विषयमा ओमानले क्वारेन्टाइन खर्च आईसीसीलाई तिर्न प्रस्ताव गर्दै आएको छ ।
उक्त खर्च आईसीसीले व्यहोर्ने नसक्ने भनिए पछि सिरिज स्थगित भएको बुझिएको छ । तर, उक्त विषयमा कुनै पनि औपचारिक जानकारी नआएको जनाइएको छ ।अमेरिकाले भने आफ्नो टोलिको बन्द प्रशिक्षण रद्द गरेको छ।-File Photo/reportersnepal
