काठमाडौं, २ फागुन । अवैध लागूऔषध सहित शुक्रबार राति एकजना पक्राउ परेका छन् । जितपुर सिमरा उपमहानगरपालिका–२ सिमरा चोकबाट २ हजार ४ सय ट्याब्लेट नियन्त्रित लागूऔषध नाईट्रोभेट सहित पर्सा धोबिनी गाउँपालिका–२ बस्ने ३० वर्षीय अरबिन्द कुमार सहनीलाई प्रहरीले पक्राउ गरेको हो ।
लागूऔषध नियन्त्रण ब्यूरो शाखा कार्यालय वीरगंज र ईलाका प्रहरी कार्यालय सिमराको संयुक्त प्रहरीले ना.४३ प ८१०७ नम्बरको मोटरसाइकल जाँच गर्दा मोटरसाइकल चालक सहनीको साथबाट उक्त लागूऔषध फेला पारी पक्राउ गरेको जनाएको छ ।
