काठमाडौं, २ फागुन । नेपालको लागि टाटा मोटर्सको आधिकारिक विक्रेता सिप्रदी ट्रेडिङले बिभिन्न गाडीहरुको प्रि-बुकिङ खुला गरेको छ। भारतीय स्टयाण्डर्ड सिक्सको मान्यताप्राप्त टाटा नेक्सन, टिगोर, अल्ट्रोज, टिएगो, र एचफाइभ गाडीहरुको प्रि–बुकिङ खुला गरेको हो। न्यु फरेवरको अवधारणासहित अत्याधुनिक प्रविधियुक्त, परिमार्जित शक्तिशाली इन्जिनकासाथ ग्लोबल एन क्यापबाट सेफ्टीमा फाइभ स्टार र फोर स्टार रेटिङ पाएका टाटाका गाडीहरुको प्रि बुकिङ थालेको कम्पनीले जनाएको छ।
प्रि–बुकिङ गर्ने पहिलो एक सय ग्राहकहरुलाई बिभिन्न उपहारहरु पनि राखिएको कम्पनीले जनाएको छ । उपहार अन्तर्गत ग्राहकहरुले आइफोन १२, नगद छुट, एक्सचेञ्ज बोनस, १वर्षको निःशुल्क सर्भिसिङका साथै निःशुल्क जेन्युइन एसेसोरिजहरु पाउन सक्ने कम्पनीले जारी गरेको बिज्ञप्तीमा उल्लेख छ। इम्प्याक्ट २.० डिजाइनमा तयार गरिएका टाटाका गाडीहरु हरेक उमेर समुहका ग्राहकहरुको रोजाइमा पर्ने कम्पनीले अपेक्षा गरेको छ ।
ग्लोबल एनक्यापको रेटिङ अनुसार नेक्सन र अल्ट्रोज फाइभ स्टार तथा टिएगो र टिगोर फोर स्टार सेफ्टी रेटेट सबैभन्दा सुरक्षित गाडीहरु हुन् । यी गाडीहरु अझै शक्तिशाली इन्जिन तथा उच्च भारवहन क्षमतासहित विशेष रुपमा तयार पारिएको कम्पनीले जनाएको छ । कम्पनीले देशका सबै टाटाको शोरुमहरुबाट प्रि–बुकिङको व्यवस्था मिलाएको पनि जानकारी दिएको छ।
