काठमाडौं, ६ फागुन । पूर्वराजपरिवार आज झापाको होटल मेची क्राउनमा छन् । उनीहरु पूर्वरानी कोमल राज्यलक्ष्मी शाहको जन्मदिन मनाउन भेला भएका हुन् ।
पूर्वराजा ज्ञानेन्द्र र कोमल आइतबार नै झापा पुगेका थिए । उनीहरु आज परेको कोमलको ७० औं जन्मदिन मनाउने गरी पुगेका हुन् । जन्मदिन मनाउन पूर्व युवराज पारस, पूर्वयुवराज्ञी हिमानी, पूर्व नवयुवराज हृदयन्द्रलगायत आफन्त पनि झापा पुगेका छन् ।
होटल मेची क्राउनमा जन्मदिन मनाउन दर्जन जति कोठा समेत बुकिङ भएको छ । जन्मदिनमा राजपरिवारका आफन्तहरुलाई समेत निम्तो गरिएको छ ।
जन्मदिन मनाएर एक हप्ता झापा बसाईंपछि १६ फागुनमा स्वर्गीय राजा महेन्द्र शाहको श्राद्ध परेकाले पूर्वराजा ज्ञानेन्द्र शाह काठमाडौं फर्कने तय भएको छ । त्यसपछि उनी पुनः झापा नै पुग्नेछन् । त्यहाँबाट उनको भारत भ्रमण हुने बुझिएको छ ।-फाइल तस्बिर
