काठमाडौं, ३ चैत्र । ब्राउनसुगर सहित २ जना सोमबार पक्राउ परेका छन् । मोरङको सुन्दरहरैचा नगरपालिका-४ बलिया चोकबाट करिब २ ग्राम अवैध लागूऔषध ब्राउनसुगर सहित २ जनालाई सोमबार राति प्रहरीले पक्राउ गरेको हो।
पक्राउ पर्नेहरुमा सुनसरी ईटहरी उपमहानरपालिका–५ बस्ने ४१ वर्षीय पदम बहादुर तामाङ र सोही ठाउँस्थित कलाबञ्जर बराहक्षेत्र गाउँपालिका–५ बस्ने ३३ वर्षीय राम कुमार चौधरी रहेका छन् । अस्थाई प्रहरी चौकी बलियाबाट खटिएको प्रहरीले उनीहरू सवार को।२७ प ६६९२ नम्बरको मोटरसाइकल जाँच गर्ने क्रममा उक्त लागूऔषध सहित फेला पारी पक्राउ गरेको जनाएको छ । यस सम्बन्धमा स्थानीय प्रहरीले थप अनुसन्धान गरिरहेको बताएको छ ।
