सप्तरी, ६ चैत्र । सवारी दुर्घटनाबाट एक जनाको निधन भएको छ । चैत्र ६ गते राति साँढे १ बजे कंचनुरुप न.पा.११ स्थित पुर्व पश्चिम लोकमार्गमा ट्रकको ठक्करबाट ३५ वर्षीय ट्याक्टर चालक जलिल मियाँ मन्सुरीको मृत्यु भएको हो ।
पुर्वबाट पश्चित तर्फ जादै गरेको ना.६ ख.३४२५ नम्बरको ट्रकले सोही दिशाबाट जादै गरेको ना.६ त.६१९९ नम्बरको ट्याक्टरलाई पछाडीबाट ठक्कर दिँदा ट्याक्टर चालक जिल्ला बारा दक्षीण झिटकैया वडा न.०८ बस्ने मन्सुरी घाईते भई उपचारको क्रममा गजेन्द्र नारायण सिंह अस्पताल राजबिराज सप्तरीमा मृत्यु भएको प्रहरीले जनाएको छ । ट्रकका चालक फरार रहेको र खोजतलास गरिरहेको प्रहरीले जनाएको छ ।
मृतकको कानुन बमोजिम लास जाँच मुचुल्का समेतको कार्य भई पोष्ट मार्टमको लागी सोही अस्पतालमा रहेको प्रहरीबाट थप अनुसन्धान कार्य भई रहेको प्रहरीले जनाएको छ ।
