चितवन, १६ चैत्र । सानो पेस्तोलमा लाग्ने ३ वटा गोली सहित एकजना आइतबार पक्राउ परेका छन् । भरतपुर महानगरपालिका–११ भोजाड चोकबाट सानो पेस्तोलमा लाग्ने ३ वटा गोली सहित चितवन रत्ननगर नगरपालिका–१२ जमुनापुर बस्ने २० वर्षीय निर्मल बुढा मगरलाई आइतबार दिउँसो प्रहरीले पक्राउ गरेको छ ।
पदमपुरबाट विशालचोकतर्फ आईरहेको ना.२१ प ७२६१ नम्बरको मोटरसाइकललाई प्रहरी बिट भोजाडबाट खटिएको प्रहरीले जाँच गर्ने क्रममा मोटरसाइकलमा सवार उनलाई झोलामा चस्माको खोलभित्र लुकाई राखेको उक्त गोली सहित फेला पारी पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
