झापा, १६ चैत्र । ब्राउन सुगर सहित एकजना पक्राउ परेका छन् । भद्रपुर नगरपालिका–१० भृकुटी चोक बस्ने ३९ वर्षीया माईक मर्डिको घरबाट १६ ग्राम ९ सय ३० मिलीग्राम अवैध लागूऔषध ब्राउन सुगर सहित निज माईक मर्डि र उदयपुर बेलका नगरपालिका घर भई हाल झपा कचनकवल गाउँपालिका–६ बस्ने २१ वर्षीय रोशन मगरलाई आइतबार दिउँसो प्रहरीले पक्राउ गरेको छ ।
जिल्ला प्रहरी कार्यालय झापाबाट खटिएको प्रहरीले जाँच गर्नेक्रममा उनीहरूलाई उक्त लागूऔषध किनबेच गर्न लागेको अवस्थामा फेला पारी पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको बताएको छ ।
