महोत्तरी, २२ चैत्र । लागूऔषध फेनारागन सहित १४ वर्षीय किशोरलाई प्रहरीले पक्राउ गरेको छ । औरही नगरपालिका–४ कठुधारबाट नियन्त्रित लागूऔषध फेनारागन ५८ एम्पुल, नुर्फिन ६२ एम्पुल, डाइजेल्याब ६० एम्पुल र नाइट्राभेट १२ ट्याबलेट सहित गौशाला नगरपालिका-२ निगौल बस्ने १४ वर्षीय किशोर शनिबार साँझ पक्राउ परेका हुन् ।
प्रदेश ०२–०२३ प ५७७१ नम्बरको स्कुटरलाई अस्थायी प्रहरी पोष्ट कठुधारबाट खटिएको प्रहरीले जाँच गर्ने क्रममा उक्त लागूऔषध सहित फेला पारी उनलाई पक्राउ गरेको हो ।
साथै उक्त लागूऔषध ओसारपसार गर्न लगाउने भक्तपुर सूर्यविनायक बस्ने काभ्रेपलाञ्चोक पनौती मुरारीखोला घर भएका ३३ वर्षीय प्रेम तामाङ र स्कुटर चालक आशिष चौधरीलाई समेत प्रहरीले पक्राउ गरेको जनाएको छ ।
