डोटी, चैत २३ । दिपायलमा रहेको सुदूरपश्चिम प्रदेश प्रहरी कार्यालय प्रदेशको राजधानी कैलाली सरेको छ। राजधानी कायम भएको ठाउँमा प्रदेश प्रहरी कार्यालय राख्ने कानूनी व्यवस्था अनुसार प्रदेश प्रहरी कार्यालय कैलाली सारेको प्रहरीले जनाएको छ ।
क्षेत्रीय सदरमुकाम दिपायलमा रहेको सेनाको सुदूरपश्चिम पृतना मुख्यालय यसअघि नै कैलाली सरिसकेको छ। सुदूरपश्चिम पृतना मुख्यालय कैलालीको तेघरीमा सरेको हो। सेना र प्रहरीका कार्यालय सारिन थालेपछि स्थानीयवासी असन्तुष्ट बनेका छन् ।
