काठमाडौं, २३ चैत्र । अवैध लागूऔषध गाँजासहित तीनजना पक्राउ परेका छन् । वीरगंज महानगरपालिका–२१ परवानीपुरबाट करिब १० किलो अवैध लागूऔषध गाँजा सहित ३ जनालाई आइतबार दिउँसो प्रहरीले पक्राउ गरेको छ ।
पक्राउ पर्नेहरुमा मकवानपुर राक्सिराङ गाउँपालिका–७ खर्लिङग बस्ने ४३ वर्षीय जय बहादुर गोले, उनकै श्रीमती ३५ वर्षीया बिष्णुमाया तामाङ र मनहरी गाउँपालिका–८ मनहरी बस्ने २८ वर्षीया मुईया परियार रहेका छन् । विशेष सूचनाका आधारमा जिल्ला प्रहरी कार्यालय पर्साबाट खटिएको प्रहरीले उनीहरुलाई उक्त गाँजा सहित फेला पारी पक्राउ गरेको जनाएको छ ।
