झापा, २४ चैत्र । कौडा खेलिरहेको अवस्थामा ९ जनालाई सोमबार राति प्रहरीले पक्राउ गरेको छ । गौरादह नगरपालिका–३ बस्ने भक्त बहादुर बर्देवाको घरमा कौडा खेलिरहेको अवस्थामा सोही नगरपालिका–२ बस्ने ३२ वर्षीय निर्मल थापा लगायत ९ जना पक्राउ परेका हुन् ।
ईलाका प्रहरी कार्यालय दमकबाट खटिएको प्रहरीले उनीहरुलाई १६ थान कौडा र नगद ६९ हजार ४ सय २० रुपैयाँ सहित फेला पारी पक्राउ गरेको जनाएको छ ।
यस सम्बन्धमा प्रहरीले थप अनुसन्धान गरिरहेको बताएको छ ।
