काठमाडौं, २४ चैत्र । जनता समाजवादी पार्टीका नेता डा. बाबुराम भट्टराईले केही दिनमै प्रधानमन्त्री केपी शर्मा ओलीविरुद्ध अविश्वासको प्रस्ताव दर्ता हुने बताए । उनले गृहजिल्ला गोरखा पुगेर अविश्वासको प्रस्ताव कसरी आउँदैछ भन्ने समेत उल्लेख गरे ।
बाबुरामको भनाई अनुसार नेपाली काँग्रेस, नेकपा माओवादी केन्द्र, जनता समाजवादी पार्टी मात्र नभई नेकपा एमालेको एक पक्षको साथ र सहयोगमा अविश्वासको प्रस्ताव अघि बढ्दैछ । एमालेको एक पक्ष भनेको माधवकुमार नेपाल समूह हो ।
सरकारको नेतृत्वको लागि काँग्रेस, माओवादी र जसपाको पनि दाबी हुने उनले खुलाए । तर, तीनै दलबीच सहमति बन्ने विश्वास व्यक्त गरे ।
जसपा ओली नेतृत्वको सरकारमा सहभागी हुने विषयमा कुनै सत्यता नभएको बताए । ओलीले अर्को पार्टीभित्र खेलेर सरकार टिकाउन खोजेको आरोप लगाए ।
