काठमाडौं, २६ चैत्र । अवैध लागूऔषध सहित एकजना पक्राउ परेका छन् । कीर्तिपुर नगरपालिका–९ खासीबजारबाट १ सय ६० ग्राम अवैध लागूऔषध खैरो हेरोईन जस्तो देखिने पदार्थ र नगद ३ लाख रुपैयाँ सहित सोही ठाउँ बस्ने ४२ वर्षीय अनिल महर्जन लगायत ३ जनालाई बुधबार दिउँसो प्रहरीले पक्राउ गरेको हो ।
उक्त स्थानमा लागूऔषधको कारोबार भईरहेको खबर प्राप्त हुनासाथ महानगरीय प्रहरी वृत्त जनसेवाबाट खटिएको प्रहरीले उनीहरुलाई उक्त परिमाणको लागूऔषध र नगद सहित फेला पारी पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको छ ।
