बाँके, २७ चैत्र । संरक्षित वन्यजन्तु रेड पाण्डाको छाला सहित ४ जनालाई प्रहरीले पक्राउ गरेको छ । कोहलपुर नगरपालिका–११ बसपार्कस्थित लालिगुराँस होटलबाट २ थान संरक्षित वन्यजन्तु रेड पाण्डाको छाला सहित रोल्पा सुनछहरी गाउँपालिका–१ बस्ने ३२ वर्षीय खिमानसिंह रोका मगर समेत ४ जना बिहीबार राति पक्राउ परेका हुन् ।
विशेष सूचनाको आधारमा जिल्ला प्रहरी कार्यालय बाँकेबाट खटिएको प्रहरीले उक्त होटलको ७ नम्बरको कोठा तलासी गर्ने क्रममा उनीहरुलाई उक्त छाला सहित फेला पारी पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
