काठमाडौं, २७ चैत्र । नियन्त्रित लागूऔषध सहित २० वर्षीय युवकलाई प्रहरीले पक्राउ गरेको छ । चन्द्रागिरि नगरपालिका–२ नागढुंगाबाट नियन्त्रित लागूऔषध ३ सय एम्पुल डाइजेपाम, ३ सय एम्पुल फेनारगन र ३ सय एम्पुल नुर्फिन सहित बारा कलैया उपमहानगरपालिका–४ घर भएका २० वर्षीय आश्रय आलम शुक्रबार बिहान पक्राउ परेका हुन् ।
नागढुंगास्थित चेकप्वाईन्टमा महानगरीय प्रहरी प्रभाग नागढुंगाबाट खटिएको प्रहरीले वीरगंजबाट काठमाडौंतर्फ आउँदै गरेको ना.ख ७१९५ नम्बरको बसलाई जाँच गर्ने क्रममा बसमा सवार उनलाई उक्त लागूऔषध सहित फेला पारी पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
