काठमाडौं, २७ चैत्र । जनता समाजवादी पार्टी, नेपालका संघीय परिषद् अध्यक्ष डा. बाबुराम भट्टराईले जसपा अरुसँग मागेर खाने कमजोर जातीय/क्षेत्रिय शक्ति नभई सच्चा राष्ट्रिय शक्ति बन्ने धारणा राखेका छन् । उनले जसपाको पदाधिकारी बैठक सौहार्दपूर्ण र गम्भीर वातावरणमा सुरु भएको पनि जनाएका छन् ।
उनले बैठकको तस्विर सेयर गर्दै सामाजिक सञ्जाल ट्विटरमार्फत भनेका छन्,”जसपाको पदाधिकारी वैठक सौहार्द्रपूर्ण र गम्भीर वातावरणमा शुरू भएको छ! उदीयमान वैकल्पिक शक्ति हुनुको नाताले जसपाले विद्यमान राष्ट्रिय राजनीतिक संकटको अग्रगामी समाधाननिम्ति अग्रणी भूमिका खेल्नैपर्छ।जसपा अरूसंग मागेर खाने कमजोर जातीय/क्षेत्रीय शक्ति हैन सच्चा राष्ट्रिय शक्ति बन्नु छ।“
